Institute of Archaeology and Ethnography NAS RA - Այլ

Հրայր ճէպէճեանի «Հայկական ազգագրական պատկերներ՝ տեսիլք, կամք եւ յոյս» գրքի շնորհանդես-քննարկում

Արուսյակ Ղազարյան — Thu, 11 Apr 2024 08:56:24 +0000

Thu, 04/11/2024 - 12:45

Ապրիլի 10-ին Հնագիտության և ազգագրության ինստիտուտում տեղի ունենցավ Ծոցի արաբական երկրների Աստվածաշնչային ընկերության ընդհանուր քարտուղար, աստվածաբանության դոկտոր Հրայր ճէպէճեանի «Հայկական ազգագրական պատկերներ՝ տեսիլք, կամք եւ յոյս» գրքի շնորհանդես-քննարկումը:
Գիրքը հեղինակի երրորդ հայերեն ժողովածուն է, որտեղ տեղ են գտել սփյուռքյան և հայրենի մամուլի էջերում Ճէպէճեանի 2018-2022 թթ. հրատարակած հոդվածները․ դրանք արծարծում են ազգային, մշակութային, տնտեսական հիմնահարցեր և մարտահրավերներ։
Շնորհանդեսին բացման խոսքով հանդես եկավ Սփյուռքի ուսումնասիրության բաժնի վարիչ, դոկտոր Ռուբեն Կարապետյանը։

Այլ

Երվանդ Լալայան-160․ այցելություն մեծանուն գիտնականի շիրիմին

Արուսյակ Ղազարյան — Thu, 14 Mar 2024 08:49:34 +0000

Thu, 03/14/2024 - 12:45

Մարտի 13-ին լրացավ ազգագրագետ, բանահավաք, հնագետ Երվանդ Լալայանի ծննդյան 160-ամյակը։ Հնագիտության և ազգագրության ինստիտուտի աշխատակիցները, միանալով Հայաստանի պատմության թանգարանի նախաձեռնությանը, այցելեցին Կոմիտասի անվան պանթեոն՝ Երվանդ Լալայանի շիրիմին` հարգանքի տուրք մատուցելու մեծանուն գիտնականի հիշատակին։
Եր․ Լալայանի հիշատակին իրենց երախտիքի խոսքն ասացին Հնագիտության և ազգագրության ինստիտուտի տնօրեն Արսեն Բոբոխյանը, Հայաստանի պատմության թանգարանի տնօրեն Դավիթ Պողոսյանը, ՀՀ ԿԳՄՍՆ մշակութային ժառանգության վարչության պետի տեղակալ Երանուհի Մարգարյանը, Հայոց ազգագրության թանգարանի տնօրեն Կարեն Փահլևանյանը, ԵՊՀ Պատմության ֆակուլտետի դեկան Մխիթար Գաբրիելյանը և ՀԱԻ ազգագրության բաժնի վարիչ Սուրեն Հոբոսյանը։

Այլ

Վայոց ձոր

Մարիամ Ամիրյան — Tue, 28 Sep 2021 12:55:39 +0000

Tue, 10/05/2021 - 18:00 to 19:00

Գրքի շնորհանդես

ՎԱՅՈՑ ՁՈՐ պատմամշակութային ժառանգության դրվագներ

ՀՀ ԳԱԱ Հնագիտության և ազգագրության ինստիտուտ

Չարենցի փ. 15, Երևան

05.10.2021

18:00

Այլ

Ցուցադրություն․ «Հայաստան, 2018. հեղափոխությունից ընտրություններ»

Ռոման Հովսեփյան — Thu, 20 Dec 2018 07:41:50 +0000

Sat, 12/22/2018 - 11:00 to Wed, 12/26/2018 - 17:00

ՀՀ ԳԱԱ Հնագիտության և ազգագրության ինստիտուտի և DVV-international գերմանական կազմակերպության համատեղ ուժերով ստեղծված Բանավոր պատմության կենտրոնի այս տարվա կրթական ծրագիրը համընկավ "Թավշյա հեղափոխության" հետ: Սուրեն Մանվելյանի լուսանկարչության դասընթացից գրեթե անմիջապես հետո սկսվեցին բողոքի ապրիլյան ակցիաներն ու հեղափոխական շարժումը:
Տարբեր խնդիրների շուրջ հետազոտություններ սկսած ծրագրի մասնակիցները ներքաշվեցին շարժմանը սկզբից որպես մասնակցային դիտարկող, ապա՝ որպես դիտարկող մասնակից, և, վերջապես՝ որպես միայն մասնակից: Նրանցից մի քանիսը հետագայում անդրադարձան "հեղափոխությանը"՝ այն դարձնելով բանավոր պատմության իրենց ուսումնասիրության թեման, մի մասն էլ հեղափոխությունը "ավարտեցին" ընտրությունների դիտորդի կամ վստահված անձի կարգավիճակում:
Եվ անկախ մասնակցության նպատակից և կարգավիճակից՝ նրանք բոլորը շարունակում էին մնալ հետազոտող, ով ոչ միայն կերտում էր պատմությունը, այլև արձանագրում, թե ինչպես է այն կերտվում՝ հեղափոխությունը դիտարկելով նաև որպես դաշտային աշխատանք: Զինված Սուրեն Մանվելյանից ստացած գիտելիքներով և նկարահանող որևէ գործիքով (երբեմն ընդամենը՝ հեռախոսով)՝ Բանավոր պատմության կենտրոնի ուսանողները փորձում էին նկարել ոչ միայն լուսանկարչության տեսանկյունից հետաքրքիր դրվագներ, այլև հետազոտության համար կարևոր պահեր և փաստեր: Ցուցահանդեսի համար ընտրված լուսանկարները երբեմն չունեն բարձր որակ կամ լավագույն դիտանկյունից չեն նկարված, բայց դրանք այս տարվա կարևոր պահերի ամփոփումն են: Մի տարվա, որ վստահաբար կմնա պատմության մեջ:

Ամփոփենք տարին միասին:
Մուտքն ազատ է:

Ժամկետը՝ 2018, դեկտեմբերի 22-26
22-ին, 13:00-17:00
23-ին, 10:00-17:00
25-ին, 10:00-17:00
26-ին, 10:00-17:00

Այլ

Հանդիպում հայ-չեխական համատեղ հնագիտական արշավախմբի ներկայացուցիչների հետ

Սմբատ Հակոբյան — Wed, 05 Oct 2016 11:22:32 +0000

Tue, 10/04/2016 - 15:15

Ս/թ հոկտեմբերի 4-ին ՀՀ ԳԱԱ Հնագիտության և ազգագրության ինստիտուտի տնօրինությունը հանդիպեց Հայաստան ժամանած չեխ գործընկերների հետ։ Քննարկվեցին Արմավիրի մարզում հայ - չեխական արշավախամբի այս տարի կատարած աշխատանքնը և հետագա համագործակցության հեռանկարները։

Արշավախմբի աշխատանքները մեկնարկել են 2016 թ. սեպտեմբեր ամսին` համաձայն 2015 թ. ձեռք բերված համաձայնության ՀՀ Մշակույթի նախարարության, ՀՀ Արմավիրի մարզպետարանի և ՀՀ ԳԱԱ Հնագիտության և ազգագրության ինստիտուտի միջև: Արշավախմբի նպատակն է իրականացնել գեոֆիզիկական հետազոտություններ ՀՀ Արմավիրի մարզի հնագիտական հուշարձաններում` պարզելու համար հնագիտական շերտերի, կառույցների և այլ բնույթի կառուցվածքների տարածումը արտաքին նշաններ չունեցող տեղամասերում: 2015 թ. իրականացվող ծրագիրը նախնական է և կրում է փորձնական կամ ճանաչողական բնույթ: Սույն տարվա հետազոտությունների մեջ են ընդգրկվել հետևյալ հնավայրերը.

Խանջյան բլուր բնակատեղի – նեոլիթ-միջնադար, ՀՀ Արմավիրի մարզ, գյուղ Խանջյան,
Աղվեսի ղռեր բնակատեղի – էնեոլիթ-միջնադար, ՀՀ Արմավիրի մարզ, գյուղ Աղավնատուն,
Լեռնամերձի հնագիտական համալիր – էնեոլիթ-միջնադար, ՀՀ Արմավիրի մարզ, գյուղ Լեռնամերձ,
Արգիշտիխինիլի և Հին Արմավիր քաղաքատեղիների միջև ընկած տարածքը:

Հայկական կողմը ներկայացրել է ՀՀ ԳԱԱ Հնագիտության և ազգագրության ինստիտուտի գիտաշխատող Բորիս Գասպարյանը:

Չեխական կողմի ներկայացուցիչներն են.

Սլավիկ Աղասսարյան – կազմակերպիչ,
Վիտ Վիչալչակ – հովանավոր,
Դենիսա Վիչալչակովա – հովանավոր,
Պրոֆեսոր Յան Ֆռոլիկ – հնագետ, արշավախմբի չեխական կողմի ղեկավար, Պրահայի համալսարանի Հնագիտության ինստիտուտ
Յոզեֆ Մատիաշեկ – հնագետ,
Ռադեկ Մուրեչեկ – հնագետ,
Պավել Չվալինա – հնագետ,
Յառոսլավ Բարտա – երկրաֆիզիկոս,
Յառոսլավ Ջիրկու – երկրաֆիզիկոս,
Տոմաշ Բելով – երկրաֆիզիկոս:

Այլ